Bu müəssisədə un və un məmulatları, quş və heyvan yemləri, dənli bitgilərdən un və yarma istehsal olunur. Fəaliyyət göstərən dəyirman keyfiyyətli taxılla təmin edilir. Dəyirmanda üyüdülən buğdadan 78 faiz un, 22 faiz kəpək alınır. Sifarişə uyğun olaraq, əla, I növ və qara un istehsal edilən dəyirmanda insan orqanizmi üçün vacib elementlərlə zəngin yeni çeşiddə kəpəkli un istehsalı da təmin olunub. Hazır məhsullar 1, 2, 5, 25 və 50 kiloqramlıq kisələrdə “Bərəkət” əmtəə nişanı ilə satışa çıxarılır.

“Naxçıvan Taxıl Məmulatları Sənaye Kompleksi” Məhdud Məsuliyyətli Cəmiyyətində heyvandarlıq və quşçuluğun inkişafında mühüm rol oynayan qarışıq qüvvəli yem istehsalı müəssisəsinin fəaliyyətə başlaması heyvandarlıq və quşçuluq təsərrüfatlarının inkişafına da təkan verib.

Qarışıq qüvvəli yem istehsalı sahəsində Almaniya və Türkiyədən alınan, istehsal gücü saatda 3 ton olan müasir texnoloji avadanlıqlar və hər birinin tutumu 10 ton olan 4 bunker quraşdırılıb. Burada müxtəlif çeşiddə ətlik-südlük mal-qara və ətlik-yumurtalıq quş yemləri istehsalına başlanılıb. Həmin məhsula olan tələbatın bütünlüklə yerli istehsal hesabına ödənilməsi üçün qısa zamanda yeni müəssisə yaradılıb. İstehsal gücü saatda 10 ton olan müəssisədə Türkiyədən alınmış müasir texnoloji avadanlıqlar və hər birinin tutumu 20 ton xammal olan 9 bunker quraşdırılıb. Beləliklə, heyvandarlıq və quşçuluq təsərrüfatlarının səmərəli fəaliyyətinə şərait yaradılıb, bu sahədə məhsul istehsalı artımına nail olunub. Muxtar respublikada fəaliyyət göstərən heyvandarlıq və quşçuluq təsərrüfatlarının yeni müəssisədə istehsal edilən qüvvəli yemlə təmin olunması əlavə xərclərin qarşısını alıb.

Bundan başqa cəmiyyətdə 10 min ton qapalı anbar və 27 min ton olan silolar mövcuddur.

“Gəmiqaya Holdinq” Şirkətlər İttifaqının tərkibində fəaliyyət göstərən “Bərəkət Toxumçuluq kompleksi” 2020 ilinin aprel ayında istifadəyə verilmişdir. MMC-nin tərkibində inzibati binası, aqrartexnikalarnın saxlanması üçün çardaq, anbar binası, yem istehsalı bölməsi, taxılların saxlanması üçün 21600 ton tutumlu silolar və satış mərkəzi mövcuddur. “Bərəkət Toxumçuluq kompleksi” -nə böyükdüz ərazisində yerləşən 2000 hektar əkin sahəsidə daxildir ki, burada MMC-nin aqrar fəaliyyətinə daxil olan keyfiyyətli toxum çeşidləri əkilib yetişdirilir və əhalinin təminatı üçün satışa verilir. Təsərrüfatın yaranması Muxtar Respublikada Torpaq mülkiyyətçilərinin texnika toxum və gübrə ilə təmin edilməsi taxılçılığın inkişafına zəmin yaratmışdır.

“Bərəkət Toxumçuluq kompleksi” ona ayrılmış avadanlıqlarla əhalinin keyfiyyətli toxumlara olan tələbatını ən yüksək səviyyədə təmin edir. Fəaliyyətə başladığı gündən etibarən məhsuldarlıq göstəricisi əkin sahələrinin daim artırılmasına nail olunur.

Hal-hazırda “Bərəkət Toxumçuluq kompleksi” mərkəzində 60 nəfər daimi işlə təmin olunmuşdur. İşçilər gündəlik yemək, davamlı mövsümi geyimlə təmin olunurlar.

Gəmiqaya Heyvandarlıq Kompleksi sahəsi 2006 cı ildən fəaliyyət göstərir. 10 hektar ərazisidə yerləşən heyvandarlıq kompleksiındə 5 tam təchizatlı tövlə və inzibati bina vardır.

Heyvandarlıq Kompleksida əsasən südlük və ətlik cinslər olan Holişteyin Friz (ağ-qara), Simmental (qırmızı), Şvis (boz) heyvanları saxlanılır.

Həmçinin kompleksin ümumi sahəsi 97 hektar olan əkin sahəsi də mövcuddur ki, bu sahələrdə təsərrüfatın tələbatına uyğun olaraq silos, buğda, arpa, yonca və digər yem bitkiləri tədarük edilir.

Bu kompleksdə əldə olunan süd və ətdən yüksək keyfiyyətdə və ekoloji cəhətdən təmiz məhsullar istehsal olunur.