“Gəmiqaya Holdinq” Şirkətlər İttifaqının tərkibində fəaliyyət göstərən “Dekoria” alış-veriş mərkəzi 2020-ci ilin may ayında yenilənərək fəaliyətinə davam etmiş ümumi olaraq 4000 m2 olan sahəni əhatə edir. Mərkəzin 3000 m2 sahəsi satış bölməsi, 1000 m2 anbar və ofis bölməsi mövcuddur.

“Dekoria” alış-veriş mərkəzində 9500 çeşiddə məhsul satış həyata keçirilir. Mağazamızda mətbəx, yemək dəstlərinin, elektrik materialları və avadanlıqlarının, xırdavat, təmir-tikinti alətlərinin, plastik boruların, divar kağızlarının, yataq və bağça mebel dəstlərinin, taxta və seyf qapılarının, hədiyyəlik əşyaların, məişət texnikalarının, dəftərxana ləvazimatlarının, təmizlik məmulatlarının, təhlükəsizlik vasitələrinin və geyimlərin, boya və izoliyasiya məhsullarının, hamam və avtomobil aksesuarlarının və digər malların satışı həyata keçirilir.

“Dekoria” alış-veriş mərkəzində kredit bölməsi də fəaliyyət göstərir. Bu bölmədə müvafiq sənədləri təqdim etməklə 3 aydan 6 ayadək kreditlə məhsul əldə etmək imkanı vardır. Bu xidmət şirkətin daxili imkanları ilə həyata keçirilir.

“Dekoria” alış-veriş mərkəzində qarşıya qoyulan əsas məqsəd ilk növbədə yerli istehsal mallarının satışını təşkil etməkdir. Satılan malların çeşid bolluğu və keyfiyyəti daim diqqətdədir.

Burada yerli məhsullarla yanaşı Almaniya, Hollandiya, Türkiyə, Çin və digər ölkələrin istehsalı olan məhsulların satışı həyata keçirilir. Alış-veriş mərkəzində nağd və Post-Terminal vasitəsilə satışın həyata keçirilməsi mümkündür. Müştərilərin rahat alış-veriş etmələri üçün iki tərəfli giriş çıxışı olan Mərkəzin geniş avto dayanacaq yerləri mövcuddur. Mərkəzin həyətyanı sahəsi abadlaşdırılmış və yaşıllıq sahəsi salınmışdır. Mərkəzdə istilik və soyutma, təhlükəsizlik kameraları, yanğından mühafizə sistemləri quraşdırılmışdır.

Hal-hazırda “Dekoria” alış-veriş mərkəzində 50 nəfər daimi işlə təmin olunmuşdur. İşçilər gündəlik yemək və davamlı mövsümi geyimlə təmin olunurlar.

Bütün bunlar Ali Məclisin Sədrinin muxtar respublikamızda sahibkarlığın inkişafına, yeni iş yerlərinin yaradılmasına, əhalinin məşğulluğunun artırılmasına göstərdiyi qayğının bariz nümunəsidir. Özəl sektora yaratdığı şəraitə görə çoxsaylı kollektivimiz adından Ali Məclisin Sədrinə dərin minnətdarlığımızı bildiririk.

ELIT 57 AVM 2013 cü ilin may ayında açılmışdır. Türkiyənin Damat, KİP, Ramsey, ADL, Bambi, Selen, De Facto, Dagi, Slazenger, Adidas, Nike, Farmasi və s. kimi qabaqcıl markaları ilə müştərilərin xidmətindədir. Hər büdcəyə və hər zövqə xitab etməklə bərabər, maksimum müştəri məmnuniyyətini qazanmaq əsas məqsədimizdir. Bundan başqa, daha savadlı və işini sevən satış kadrlarımızla, özünəməxsus satış strategiyası, daim yenilənən kampanyalarımız və hər zaman müştəri razılığı qazanmaq məqsədilə hər zaman sizin xidmətinizdədir.

Bərəkət Toxum Satışı Mərkəzi 2020-ci ilin May ayından Naxçıvan Muxtar Respublikasında fəaliyyətə başlamışdır. Mağazamız 740 növ toxum, bitki və bitkiçilik məhsulları ilə müştərilərə xidmət göstərməkdədir.

Mağazamızda satışı həyata keçirilən məhsullar:

• Bitki dərmanları
• Dibçəklər
• Yerli toxumlar
• Xaricdən idxal edilən toxumlar
• Bağça üçün aksessuarlar, sulama sistemləri
• Ev üçün çiçək və ya güllər, eləcə də ağac və dekorativ bitkilər
• Heyvan və cücə yemləri
• Dənli bitki toxumları
• Yonca və ot toxumları
• Kənd təsərrüfatı avadanlıqları və maşınları (Dərmanlama, ot biçmə maşınları və s.)

Qeyd edək ki, müəssisəmizdən Naxçıvan Muxtar Respublikası bazarı ilə yanaşı, Bakı və İrana da toxum, bitki və bitkiçilik məhsulları satılmaqdadır.

Müəssisə olaraq hədəfimiz müştərilərə ən ucuz və ən keyfiyyətli məhsulların satışını həyata keçirməkdir.

Bərəkət Toxum Satışı Mərkəzində Naxçıvan Muxtar Respublikasının torpaq və iqlim şəraitinə uyğun olan toxum, bitki və bitkiçilik məhsullarını əldə edə bilərsiniz.