Gəmiqaya Ət Məhsulleri MMC
Ət Məhsulları
“Gəmiqaya Ət Məhsulları” MMC 2013-cü ilin may ayından etibarən fəaliyyətə başlamışdır.
Müəssisənin yaradılmasında başlıca məqsəd daxili bazarı yüksək keyfiyyətli, rəqabətə davamlı ət və ət məhsulları ilə təchiz etmək, yoxsulluğun azaldılması məqsədilə yeni iş yerlərinin təşkili və regionlarda tarazlı sosial-iqtisadi inkişafın təmin olunmasından ibarətdir.
Müəssisənin tabeliyində aşağıdakı istehsal sahələri fəaliyyət göstərir:
- Ət kəsim və saxlama sexi
- Pərakəndə satış mağazası
- Kolbasa istehsal sexi
- Dönər istehsal sexi
Müəssisədə ümumilikdə 32 nəfər işçi fəaliyyət göstərir. Bunlardan 12 nəfər Ət kəsim və saxlama bölməsində , 15 nəfər kolbasa istehsal sexində, 4 nəfər dönər istehsal sexində, 1 nəfər isə satış mağazasında fəaliyyət göstərir.
2013-cü ildə müəssisə fəaliyyətini muxtar respublika əhalisinin maddi vəziyyətinin yaxşılaşdırılması istiqamətində qurulmuşdur. Belə ki, fəaliyyət göstərdiyimiz müddət ərzində muxtar respublikanın ayrı-ayrı bölgələrində yaşayan əhalidən mövcud bazar qiymətlərinə müvafiq olaraq iribuynuzlu və xırdabuynuzlu heyvanlar alınaraq istehsala cəlb edilmişdir. Nəticədə istehsalın həcmi artmış, daxili bazar yüksək keyfiyyətli, rəqabətə davamlı əmtəələrlə təmin edilmişdir. Digər tərəfdən isə kənd əhalisinin pul gəlirləri artmış, alıcılıq qabiliyyəti yüksəlmiş, maddi rifah halı yaxşılaşmışdır. Müsəssisənin öz mülkiyyətində olan xeyli miqdarda ət, kolbasa, sosiska və digər ət məhsulları normalara uyğun qaydada soyuducu anbarda saxlanılır.
Müəssisədə istehsal olunan mallar ilk növbədə yerli əhalinin təlabatının ödənilməsi məqsədilə muxtar respublikanın daxili bazarına göndərilir. Əhalidən alınan diri malların alımı da bu təlabat nəzərə alınaraq tənzimlənir.
Müəssisəmizdə istehsal olunan bütün məhsullar ölkədaxili uyğunluq və gigiyenik sertifikatları ilə buraxılır.
Müəssisənin istehsal avadanlıqları innovasiyaya uyğun olaraq seçilmiş və istehsal bölməsində demək olar ki, iş gedişatının 80%-i avtomatlaşdırılmış sistemlə həyata keçirilir. İstehsal avadanlıqları standartlara cavab verən ən müasir qurğularla təchiz olunmuşdur. Müəssisənin illik istehsal gücü aşağıdakı kimidir:
- Dana əti - 1.500.000 kq (1500 ton)
- Çəkilmiş ət - 50.000 kq (50 ton)
- Sümüksüz ət - 600.000 kq (600 ton)
- Ciyər - 80.000 kq (80 ton)
- Əla növ kolbasa - 170.000 kq (170 ton)
- Sardelka - 100.000 kq (100 ton)
- Sosika - 180.000 kq (180 ton)
- Naxçıvan kolbasası - 160.000 kq ( 160 ton)
- Sevalat - 70.000 kq (70 ton)
Avtomatik iribuynuzlu kəsim aparatı, xırdabuynuzlular üçün qaldırıcı qarmaqlı kəsim bölməsi, kəsilən malların asqılı və döngülü qarmaq sistemi, dırnaq kəsim aparatı, dəri soyma aparatı, iribuynuzlu heyvanları boydan-boya ikiyə bölmək üçün mişar, kəllə və dırnaq təmizləmə aparatı, qablaşdırma aparatı, sosika hazırlayan aparat, don ət doğrayan aparat, kolbasa istehsalında bəlli qarışıqları bir arada istehsala hazırlayan aparat, istehsal olunan kolbasa sosikalar üçün soba, böyük soyuducular və yardımçı təchizat qurğuları.
