Muxtar Respublikanın böyük mebel istehsalçılarından biri olan Mebel fabriki 2012-ci ildən etibarən fəaliyyət göstərir. Artıq uzun illərdir ki, fabrikimiz təklif etdiyi mebellərin topdan satışını uğurla həyata keçirir. İstehsalat prosesində yalnız dünyaca tanınşmış şirkətlərin istehsalı olan, ekoloji cəhətdən səmərəli və sertifikatlaşdırılmış mebel materiallarından istifadə olunur.

“Gəmiqaya Mebel Fabriki” Məhdud Məsuliyyətli Cəmiyyətidir. Müəssisədə Almaniya, İtaliya və Türkiyə respublikalarından alınmış müasir texnoloji avadanlıqlar quraşdırılıb və müxtəlif çeşiddə keyfiyyətli məhsul istehsalı üçün geniş imkanlar yaradılıb. Mebel fabrikində divan, döşək, kreslo və yumşaq oturacaqlı stullar, döşəmə, həmçinin ofis, mətbəx, yataq mebelləri, qapı-pəncərə, dekorasiya və qapı-pəncərələrin boyanması üçün boyaqxana sexləri fəaliyyət göstərir.

Müəssisədə istehsal olunan klassik, avanqard və modern mebellər ölkəmizin paytaxtında və digər regionlarda da alıcılar tərəfindən rəğbətlə qarşılanır.

Naxçıvan Muxtar Respublikasında 20-dən artıq mineral su ehtiyatı vardır ki, onların da bir hissəsi istehsal olunur, daxili və xarici bazarlarda satışı həyata keçirilir. Mineral su istehsalı müəssisələrini xammalla təmin etmək üçün yeni istehsal sahələri yaradılmışdır. Bu gün mineral sularla bərabər, muxtar respublikada müxtəlif meyvə şirələri və qazlı sular da istehsal olunur. Həmin müəssisələri taralarla təmin etmək üçün plastik kapsul istehsalı müəssisəsi qurulmuşdur.

7500 kvadratmetr sahəni əhatə edən müəssisədə Kanadanın Hasky firmasının istehsalı olan avtomatlaşdırılmış avadanlıqlar quraşdırılıb. Gücü ildə 60 milyon ədəd kapsul və 80 milyon plastik qapaq olan istehsal xəttində 10 çeşiddə plastik kapsul və bir çeşiddə qapaq istehsal olunur. İstehsal sahəsi ilə yanaşı burada hazır məhsul, xammal anbarı və digər xidmət sahələri də mövcuddur.

Gəmiqaya Daş məhsulları sənaye kompleksi" Kompleksdə istehsal gücü -1000 kvadratmetr travertin və mərmər olan Babək rayon Qızılvəng, istehsal gücü 2000 kvadratmetr travertin və mərmər istehsalı olan Naxçıvan şəhər travertin istehsalı zavodları və Kəngərli rayon Qarabağlar, Çalxanqala kəndlərində yerləşən daş karxanaları fəaliyyət göstərir. Dekorasiya sexində isə kiçik həcmli daşlarla ayda 5 min kvadratmetrə yaxın iş görülür. Yeni istifadəyə verilmiş müəssisədə istehsal olunan travertin məhsulları əsasən ixrac yönümlüdür. Artıq tam əminliklə qeyd etmək olar ki, müəssisədə istehsal olunan daş məhsulları bir sıra xarıci ölkərə ixrac olunur.

Müəssisədə travertin və mərmər daşlarından təkcə üzlük və döşəmə materiallar hazırlanmır, kompüter sistemi ilə idarə olunan texnoloji avadanlıqlarla daş lövhələr üzərində cilalanma və dekorasiya işləri də həyata keçirilir. Hazırda muxtar respublikada bu cür materiallardan geniş istifadə olunur. Yeni tikinti materialları inşa olunan obyektlərin fasadlarına xüsusi gözəllik verir.

Bu gün regionun tikinti sektorunda ən əhəmiyyətli hesab edilən müəssisələrdən biri də "Gəmiqaya Kərpic Kompleksi" Məhdud Məsuliyyətli Cəmiyyətidir. Muxtar respublikada bu tikinti materialına olan tələbat demək olar ki, müəssisə tərəfindən standarlara uyğun istehsal olunan məhsul hesabına ödənilir.

Zəngin xammal yataqlarına malik olan ərazidə tikilən kompleks regionların sosial-iqtisadi inkişafı dövlət proqramı çərçivəsində 2004-cü ildə inşa olunub və tam yerli xammal əsasında işləyir. Hazırda müəssisədə iki növbəli iş rejimində 130 nəfər işçi işləyir. Cəmiyyətdə gün ərzində 3 çeşiddə 55-60 min ədəd kərpic istehsal olunur. Bu müəssəsədə istehsal olunan, keyfiyyət göstəricilərinə görə yüksək olan kərpiclərdən əsasən bina və tikililərin fasad, arakəsmə, tavan və döşəmələrinin tikintisində istifadə olunur.

İstehsal edilən məhsulların forma göstəriciləri: yığma, normal, asmolin kərpicdir.

Müasir tikinti elementlərinin tədbiq edilməsində, yeni inşaat sisteminin yaradılmasında cəmiyyətin istehsal etdiyi materialların əhəmiyyəti böyükdür. Cəmiyyətin istehsal etdiyi məhsullardan əsasən tikinti–quraşdırma işləri zamanı geniş istifadə olunur. Şəhərsalma mədəniyyətinin ən önəmli bir hissəsi hesab edilən tikinti işlərində istifadə olunan qum, çınqıl,beton məmulatları və dekorativ daşlar cəmiyyətdə fəaliyyət göstərən sahələrdə istehsal edilir. Cəmiyyədə əsas istehsal sahələri:

-“Babək” Beton məmulatları istehsalı sahəsi
Tikinti işlərinin əsas tərkib hissələrindən biri hesab olunan beton məmulatları istehsalı sahəsi kifayət qədər xammal ehtiyatının olduğu Naxçıvan çay sahilində tikilmişdir. Beton istehsalı sahəsində saatda 60 ton əmtəə-beton istehsal edilir. İstehsal olunan məhsul aparılan bütün tikinti obyektlərini keyfiyyətli məhsullarla təmin edə bilir. Sahədə quraşdırılmış digər bir cahə isə qum-çınqıl sahəsidir. Qum-çınqıl sahəsinin istehsal gücü saatda 240 tondur.

-Dekorativ daşlar istehsalı sahəsi
Yol, səki və yeni inşa edilən tikililərin ətrafının abadlaşdırılmasında istifadə olunan dekorativ daşlar istehsal edən sahədə quraşdırılmış avadanlıqlar Türkiyə Respublikası mənşəlidir. İldə 60 min ədəd dekorativ daşlar və 100 min metrlik su axarı istehsal edən avadanlıqların idarə edilməsi tam avtomatik olmaqla, keyfiyyətli məhsul istehsalı ücün əlverişlidir.

-“Aza” Beton məhsulları sahəsi
Aza beton istehsalı sahəsi bu ərazidə aparılan genişmiqyaslı tikinti işlərinin aparılması nəticəsində yaranmış tələbatın ödənilməsi məqsədilə yaradılmışdır. Bu sahədə saatda gücü 100 ton əmtəə-beton və saatda 200 ton qum-çınqıl istehsal edən sahələr fəaliyyətət göstərir.

-“Arpacay” Beton məhsulları sahəsi
Muxtar Respublıkada tikinti və quruculuq işlərinin daim artması, bu növ məhsullara olan tələbatın ödənilməsi zərurətini yaradır. Bu məqsədilə olan daha bir Arpaçay beton istehsalı sahəsi istifadəyə verilmidir. Bu sahədə saatda gücü 100 ton əmtəə-beton və saatda 200 ton qum-çınqıl istehsal edən sahələr fəaliyyətət göstərir.

Yük və minik avtomobillərinə servis xidmətlərinin göstərilməsi üçün “Gəmiqaya Nəqliyyat” Məhdud Məsuliyyətli Cəmiyyəti yaradılıb. 2011-ci ildən fəaliyyətə başlayan müəssisədə keyfiyyətli servis xidmətlərinin göstərilməsi üçün hərtərəfli şərait yaradılıb. Yük və minik avtomobillərinin təmiri sexində avtomobillərin diaqnostik müayinə mərkəzi istifadəyə verilib. Kompüterdə əks olunan göstəricilərin surətləri çıxarılır və həmin nasazlıqlara uyğun servis xidmətləri göstərilir.

Boya sexində yük və minik avtomobillərinin qismən və ya tam şəkildə boyanması üçün havalandırma və istilik sistemi ilə təmin olunan, kompüterlə idarə edilən xüsusi qurğu quraşdırılıb. İlkin olaraq avtomobillərdən nümunələr götürülüb laboratoriyada analizdən keçirilir. Boyanın növü, tərkibi və rəngi müəyyənləşdirildikdən sonra laboratoriyanın göstəricilərinə uyğun boya hazırlanır. Boyanın vurulması və qurudulması xüsusi kabinədə aparılır ki, bu da görülən işin keyfiyyətində mühüm amildir.

Müəssisədə fəaliyyət göstərən səyyar servis xidmətinin yüksək səviyyədə aparılması üçün ixtisaslı mütəxəssislər cəlb olunub və xüsusi avtomobillər ayrılıb. Bu da iş prosesində avtomobillərdə yaranan nasazlıqların yerindəcə aradan qaldırılmasına, lazım olduqda evakuatorla müəssisəyə gətirilməsinə imkan verir.

Cəmiyyətdə bütün markalardan olan yük və minik avtomobillərinin mühərriklərinin yenilənməsi üçün xidmət sahəsi tikilib istifadəyə verilib. Burada Türkiyə Respublikasının istehsalı olan və kompüterlə idarəetmə mərkəzi ilə təmin edilən 20-yə yaxın müasir texnoloji avadanlıq quraşdırılıb.

“Gəmiqaya Sənaye Kompleksi” MMC-də 2005-ci ildən fəaliyyət göstərir. Cəmiyyətdə əsəsən texniki xarakteristikasına görə dünya standartları səviyyəsinə uyğun olan əsasən bina və tikililərin istismar və dekorativ keyfiyyətlərini yüksəldən məhsullar olan kompozit panel, dəmir qapı, pəncərə, uşaq əyləncə fiqurları, muxtəlif təyinatlı şitlər, məhəccərlər, dam örtüyü və metal konstruksiyalı müxtəlif məhsullar istehsal edilir.

Sənaye kompeksində muxtar respublika ərazisində inşa edilən su elektrik stansiyaları, su təmizləyici qurğular və bir sıra irimiqyaslı infrastrukrur layihələri üçün mürəkkəb tərkibli qurğular hazırlanır. Bunlara misal olaraq irihəcimli çənləri, çuğun tökmə və istilik sistemlərini göstərmək olar.

Müasir tikinti üslubuna uyğun olaraq istehsal edilən tikinti materialları əsasən, yerli xammal hesabına olduğundan daha keyfiyyətli tərkibə malikdir. Belə ki, ekoloji cəhətdən təmiz və kimyəvi tərkibi müəyyənləşdirilən gips istehsalı sahəsi tikinti sahəsində xüsusi yerə malikdir.

Qeyd etmək lazımdır ki, kompleksin istehsal etdiyi məhsulların keyfiyyəti muxtar respublika və Türkiyə Respublikasının laboratoriyalarının müstəqil ekspertləri tərəfindən təsdiqlənmişdir. Müəsisənin müasir texnologiyalara sahib laboratoriyalarında məhsulların sınaqdan keçirilməsi, onların beynəlxalq standartlara uyğunluğunu və tələb olunan sertifikatlarla təltif edilməsi təmin olunmuşdur.

İstehsal sahəsində quraşdırılan avadanlıqların günlük istehsal gücü 100 ton.

Bu sahədə istehsal olunan məhsulların digər sahələrdə olduğu kimi əsas meyarı münasib qiymətlə yüksək keyfiyyətli məhsulların və müasir tikinti sistemlərinin tətbiq edildiyi ən yaxşı həllər üzrə seçim etmək və istehlakçıya sabahın rahatlığını təmin etməkdir.

Gips tərkibli lövhələrin əsas xüsusiyyətləri standarların tələblərinə tam uyğun olmaqla yanaşı həm də istehlakçı zövqunə və tikinti işlərinin aparılması normaları nəzərə alınmaqla istehsal olunur.

İstehsal sahəsində quraşdırılan avadanlıqların illik istehsal gücü 2.000.000 m²-dir.

Bu sahənin muxtar respublikada qurulmasının əsas səbəbləri, məsaməli betonun istiliyi izolyasiya etmək xüsusiyyəti, otaqların istiliyə və ya sərinliyə olan tələbatını tənzimləmək, atmosferə karbon qazının buraxılmasını azaltmaq və iqlim dəyişməsinin qarşısını almaqla əlavə izolyasiya materiallarından istifadəni azaltmaqdır.

Məsaməli betonun istehsalı istənilən digər tikinti materialına nisbətən az enerji sərfiyyatı tələb edir, kiçik ölçüsü isə onun daşınması zamanı münasib və inşaat zamanı yungül olmasıdır. Bundan əlavə, məsaməli beton səsi izolyasiya etmək xüsusiyyətinə də malikdir.

Sahənin illik istehsal gücü isə 150.000 m³-dur.

Muxtar respublikada istehsal olunan əhəgdaşı böyük bərkliyə malikdir. Bu ərazidə məhsulun ehtibarlılığı nəzərə alınaraq ondan daş tikililərdə material kimi istifadə edirdilər. Zəngin xammal ehtiyatlarına malik olan ərazidə istehsal olunan əhəng, həm yerli, həm də xarici bazarlarda satış üçün istehsal olunur.

Bu istehsal sahəsində iki növ əhəng istehsal olunur: sönmüş və sönməmiş əhəng. İstehsal edilən əhəngin günlük istehsal gücü 100 ton təşkil edir.

Bütün sahələrdə olduğu kimi bu istehsal sahəsində də proseslərə nəzarət və məhsul istehsalı müasir texnologiyaya uyğun avtomatik idarəetmə sistemləri ilə aparılır.

Regionun mühim sənaye quruluşlarından biri hesab olunan “Naxçıvan Sement Zavodu” MMC, Naxçıvan Muxtar Respubkikasında reallaşmış ən böyük investisiya layihəsidir. Zavodun inşasına 2009-cu ilin son aylarında başlanmış, 2012-ci ilin may ayında klinker və sement xətti istifadəyə verilmişdir. Çin, Almaniya və Türkiyə istehsalı avadanlıqlarıyla təchiz olunan zavodda müasir “quru üsul” texnologiyasından istifadə edilir.

Qurulduğu tarixdə zavodun istehsal gücü illik 300 min tondan artıq idi. 2013-cü ildə yaradılan ara istehsal bölməsilə bu istehsal gücü bir qədər artırılmışdır.

Naxçıvan Sement Zavodu “CE” keyfiyyət nişanına layiq görülmüşdür. Bu keyfiyyət nişanı məhsulun Avropa tələblərinə uyğunluğunun göstəricisidir.

Zavodda istehsal xəttinə daxil olan xammalın, qatqı maddələrinin, istehsal olunan məhsulun keyfiyyətinə nəzarət müasir avadanlıqlarla təchiz edilmiş laboratoriyada həyata keçirilir. Burada quraşdırılan avadanlıqlarla istehsalat xəttindən saatda bir dəfə nümunələr alınaraq kimyəvi, fiziki və mexaniki analizlər aparılır. Bu analizlərin nəticəsi həm istehlakçıya verilir, həm də zavodun arxivində saxlanılır.

Sement istehsalına tək növ olan “CEM I 42.5N” markalı Portland sementi ilə başlandı. 2017-ci ildən isə daha yüksək keyfiyyət standartına malik CEM I 52.5N Portland sementinin istehsalına və satışına başlandı. Bununla da məhsul çeşidi artmaqla yanaşı, daha yüksək keyfiyyət standartlarındakı məhsula tələbat da ödəndi. Həmin ilin sonlarına doğru zavod üçün 2-ci çeşid məhsul mahiyyəti daşıyan qatqılı sementin (CEM II növü) istehsalı ilə bağlı mühəndis heyəti tərəfindən geniş araşdırmalar aparıldı. Suvaq və hörgü işləri üçün daha əlverişli olan bu növ sementin maliyyəti də digər növ sementlərlə müqayisədə daha azdır. Beləliklə, hal-hazırda CEM I 52.5N və CEM II 42.5N olmaqla iki çeşid sement istehsal edilir.

Naxçıvan Sement Zavodu istehsal prosesini və daşımaları təmin edəcək geniş infrastruktur və uzunmüddətli xammal ehtiyatları ilə təmin edilmişdir. Bütün xammal növləri muxtar respublikanın yataqlarından əldə olunur. Yüz faiz yerli xammala əsaslanan zavodda əhəng daşı, mergel, qabro və gips daşı istifadə olunur.

Ölkə rəhbərliyinin qayğısıyla həyata keçirilmiş bu layihə yerli tikinti sektorunun tələbatını tam şəkildə ödəməklə yanaşı, ixrac üçün də geniş imkanlar yaradır. Şirkət fəaliyyətinə başladıqdan sonra qısa müddət ərzində istehsal etdiyi məhsulların keyfiyyəti ilə yüksək müştəri məmnuniyyətinə nail olmuşdur. Bu zavod regionun sosial iqtisadi inkişafının sürətlənməsində, yerli istehsalın artırılması və ölkəyə sement idxalının azaldılmasında, yeni iş yerlərinin yaradılması və əhali məşğulluğunun artırılmasında əhəmiyyətli rol oynayır. Burada çalışanlar üçün normal iş şəraiti yaradılıb. Üç növbəli iş rejimi tətbiq olunur. Zavod çalışanları sutqada üç dəfə yemək, xüsusi geyim formaları və işə aparılıb-gətirilməsi üçün nəqliyyat vasitələri ilə zavod vəsaiti hesabına təmin olunurlar.

Zavodun ətrafındakı ərazilərdə geniş yaşıllaşdırma tədbirləri həyata keçirilmişdir. Bu məqsədlə 12 hektarlıq əraziyə 18 min ağac əkilmiş, abadlaşdırma işləri aparılmışdır.

Şirkətin əsas məqsədi ölkənin sement sektorunu yenilikçi və qabaqcıl fəaliyyətlərilə istiqamətləndirmək, keyfiyyət və etibarlılığı ilə daim seçilmək və ölkənin milli rifahında öz yerini almaqdır.